Viljayfirlýsing undirrituð um byggingu 33 íbúða á Akranesi

Ritað var í gær undir viljayfirlýsingu um byggingu 33 íbúða við Asparskóga á Akranesi. Þeir sem rituðu undir viljayfirlýsinguna voru Sævar Freyr Þráinsson bæjarstjóri, Björn Traustason framkvæmdastjóri Bjarg íbúðafélags, Gylfi Arnbjörnsson stjórnarformaður Bjargs og forseti ASÍ og Árni Stefán Jónsson, varaformaður stjórnar Bjargs og formaður SFR.

Með viljayfirlýsingunni veitir Akraneskaupstaður Bjargi íbúðafélagi vilyrði um úthlutun á lóðum að Asparskógum 12, 14 og 16.

„Með und­ir­rit­un yf­ir­lýs­ing­ar­inn­ar er stór skref stigið í að mæta íbú­um Akra­ness með fjölg­un leigu­íbúða en lítið fram­boð hef­ur verið af slík­um síðastliðin ár. Ég er full­ur til­hlökk­un­ar yfir verk­efn­inu og hef mikla trú á því. Við erum hér að mæta fjöl­skyld­um hér í bæ með nýj­um leigu­íbúðum á leigu­verði sem tek­ur mið af tekj­um heim­il­is­ins”, seg­ir Sæv­ar Freyr Þrá­ins­son bæj­ar­stjóri á Akranesi.

Björn Traustason framkvæmdastjóri Bjargs lýsti yfir ánægju sinni með undirritunina og er spenntur fyrir að hefja þetta metnaðarfulla verkefni á Akranesi. Björn lýsir yfir mikilli ánægju með samstarfið við fulltrúa Akraness og hversu hratt og örugglega ferlið hefur gengið fyrir sig.

Rakel Óskarsdóttir, bæjarfulltrúi og varaformaður skipulags- og umhverfisráðs fagnaði þessum áfanga enda væri leigumarkaðurinn á Akranesi erfiður sem stendur. Þarna skapaðist tryggt leiguhúsnæði fyrir einstaklinga, ungar fjölskyldur, námsmenn o.fl. og spennandi yrði að fylgjast með uppbyggingunni.

 

Fyrsta skóflustunga Bjargs tekin við Móaveg, Reykjavík föstudaginn 23. febrúar 2018.

Það var góður hópur fólks saman kominn við Móaveg, Spönginni sl. föstudag þegar fyrsta skóflustunga Bjargs íbúðafélags var tekin.

Um er að ræða fyrsta byggingaverkefni Bjargs en félagið áformar umfangsmiklar framkvæmdir á næstu misserum. Reiknað er með að um 450 íbúðir verði komnar í byggingu hjá félaginu í lok árs þessa árs og rúmlega 1.000 til viðbótar á næstu þremur til fjórum árum. Íbúðir í fyrsta áfanga verða meðal annars í Reykjavík, á Akranesi og Akureyri. Þá á félagið í viðræðum við sveitafélög víðar á landinu. Næstu byggingarframkvæmdir, á eftir Móavegi, hefjast svo strax í apríl við Urðarbrunn í Úlfarsársdal en þar verða byggðar 83 íbúðir. Reiknað er með að fyrstu íbúðirnar við Móaveg verði afhentar í júní 2019 og fyrstu íbúðirnar í Úlfarsársdal skömmu síðar.

Bjarg íbúðafélag hefur byggingu á 155 leiguíbúðum í Móaveg, Spöng í Reykjavík

Fyrsta skóflustungan að 155 nýjum leiguíbúðum sem Bjarg íbúðafélag byggir var tekin í dag kl. 14 við Móaveg í Spönginni í Reykjavík.

Um er að ræða fyrsta byggingaverkefni Bjargs en félagið áformar umfangsmiklar framkvæmdir á næstu misserum. Reiknað er með að um 450 íbúðir verði komnar í byggingu hjá félaginu í lok árs þessa árs og rúmlega 1.000 til viðbótar á næstu þremur til fjórum árum. Íbúðir í fyrsta áfanga verða meðal annars í Reykjavík, á Akranesi og Akureyri. Þá á félagið í viðræðum við sveitafélög víðar á landinu. Næstu byggingarframkvæmdir, á eftir Móavegi, hefjast svo strax í apríl við Urðarbrunn í Úlfarsársdal en þar verða byggðar 83 íbúðir. Reiknað er með að fyrstu íbúðirnar við Móaveg verði afhentar í júní 2019 og fyrstu íbúðirnar í Úlfarsársdal skömmu síðar.

Íslenskir aðalverktakar munu sjá um byggingu fjölbýlishúsanna í Spönginni, Verkfræðistofan Mannvit sér um verkfræðihönnun og arkitekt er Yrki arkitektar.

Hagsýni, skynsemi og gæði eru höfð að leiðarljósi við hönnun íbúðanna til að halda leiguverði lágu og er þar m.a. horft til fermetrafjölda. Íbúðir eru því ekki stórar, um verður að ræða 45 fermetra tveggja herbergja íbúðir, 70 fermetra þriggja herbergja íbúðir, 85 fermetra fjögurra herbergja íbúðir og 100 fermetra fimm herbergja íbúðir.

Bjargi er ætlað að skapa tekjulægri hópum öruggt og gott húsnæði. Íbúðir félagsins verða því afar mikilvæg viðbót inn á húsnæðismarkaðinn.

Opnað verður fyrir skráningu á biðlista vegna íbúðanna á heimasíðu Bjargs í apríl á slóðinni bjargibudafelag.is.

Björn Traustason, framkvæmdastjóri Bjargs: „Við hjá Bjargi fögnum þessum mikilvæga áfanga. Næstu skóflustungur bíða okkar handan hornsins og krefjandi verkefni framundan hjá félaginu.“

Gylfi Arnbjörnsson, stjórnarformaður Bjargs og forseti ASÍ: „Það sem er að gerast hér í dag er bara byrjunin á gríðarstóru verkefni. Íbúðafélagið Bjarg mun hefja byggingu og hönnun 600 íbúða á þessu ári og alls klára um 1.500 íbúðir á næstu fjórum árum. Þetta er mikilvægt átak í húsnæðismálum þeirra tekjulægstu og mun að auki stuðla að lækkun leiguverðs á almennum markaði með því að draga úr eftirspurn. ASÍ er stolt af því að hafa komið þessu verkefni af stað.”

Elín Björg Jónsdóttir, stjórnarmaður í Bjargi og formaður BSRB: „Í dag fögnum við stórum áfanga þegar framkvæmdir við fyrstu íbúðir Bjargs af mörgum eru að hefjast. Það er gleðilegt að sjá samtakamátt verkalýðshreyfingarinnar virkjaðan til að taka á brýnum vanda á húsnæðismarkaði, vanda sem margir okkar félagar þekkja allt of vel. Við þurfum að halda vel á spöðunum svo uppbyggingin verði hröð og sem flestir fái öruggt þak yfir höfuðið sem fyrst.“

Dagur B. Eggertsson, borgarstjóri Reykjavíkur:  „Samstarf um byggingu þúsund leiguíbúða á viðráðanlegu verði með verkalýðshreyfingunni í gegnum Bjarg er gríðarlega mikilvægt, fyrir framtíðarleigjendur, borgina og húsnæðismarkaðinn. Það vill gleymast að þetta eru jafnmargar íbúðir og í síðasta stóra uppbyggingarátaki verkalýðshreyfingarinnar og borgarinnar í Breiðholti. Munurinn er sá að nú dreifast þessar lóðir um alla borg og við gerum ráð fyrir að byggingartíminn verði styttri. Það er stór dagur að hefjast handa á 155 fyrstu íbúðunum hér í Grafarvogi. Og næstu skóflustungu  á næstu lóð ætti ekki að vera langt að bíða.“

Bjarg er hús­næðis­sjálf­seigna­stofn­un, stofnuð af ASÍ og BSRB. Félagið er rekið án hagnaðarmark­miða og er ætlað að tryggja tekju­lág­um fjöl­skyld­um á vinnu­markaði aðgengi að hag­kvæmu, ör­uggu og vönduðu íbúðar­hús­næði í lang­tíma­leigu. Um er að ræða leigu­heim­ili að danskri fyr­ir­mynd sem standa munu til boða þeim félagsmönnum aðildarfélaga ASÍ og BSRB sem eru undir ákveðnum tekju- og eignamörkum, skilgreindum í lögum um almennar íbúðir.

_______________________________________________________________

Bjarg er hús­næðis­sjálf­seigna­stofn­un, stofnuð af ASÍ og BSRB. Félagið er rekið án hagnaðarmark­miða og er ætlað að tryggja tekju­lág­um fjöl­skyld­um á vinnu­markaði aðgengi að hag­kvæmu, ör­uggu og vönduðu íbúðar­hús­næði í lang­tíma­leigu. Um er að ræða leigu­heim­ili að danskri fyr­ir­mynd sem standa munu til boða þeim félagsmönnum aðildarfélaga ASÍ og BSRB sem eru undir ákveðnum tekju- og eignamörkum, skilgreindum í lögum um almennar íbúðir.

 

Samningur við ÍAV vegna hönnunar og framkvæmda við Móaveg, Grafarvogi

Gengið hefur verið frá samningi milli ÍAV og Bjargs Íbúðafélags um samstarf (partnering ) vegna hönnunar og framkvæmda við Spöng, Grafarvogi í Reykjavík. Ferlið felur í sér að arkitekt , verkfræðingar, verktaki og eigandi vinni að því í sameiningu að ná fram hagræðingu í framkvæmdaferli og rekstri íbúða. Um er að ræða 156 íbúðir.

Yrki arkitektar sjá um hönnun í verkefninu og Mannvit eru með verkfræðihönnun.

Reiknað er með upphafi framkvæmda í janúar 2018.

Sigurður R. Ragnarsson frá ÍAV og Björn Traustason frá Bjargi við undirritun samningsins.

Undirritaður samningur vegna hönnunar og framkvæmda við Kirkjusand

Undirritaður hefur verið samningur milli ÍSTAKS og Bjargs Íbúðafélags um samstarf (partnering ) vegna hönnunar og framkvæmda við Kirkjusand í Reykjavík.  Um er að ræða 80 íbúðir á svokallaðri strætó lóð.

Í því ferli mun arkitekt, verkfræðingar, verktaki og eigandi vinna saman að ná fram hagræðingu í framkvæmdaferli og rekstri íbúða.

ASK Arkitektar sjá um hönnun hússins og Mannvit verða með verkfræðihönnun.

Reiknað er með upphafi framkvæmda í febrúar 2018.

Karl Andreassen frá ÍSTAKi og Björn Traustason frá Bjargi við undirritun samningsins