Skóflustunga að 83 nýjum leiguíbúðum við Urðarbrunn 130-132 í Úlfarsárdal, Reykjavík sem Bjarg íbúðafélag byggir verður tekin í dag kl. 15:00. Hér er um að ræða annað verkefni Bjargs en skóflustungan að fyrsta íbúðakjarna félagsins var tekin 23. febrúar sl. við Móaveg í Reykjavík.
Ritað var í gær undir viljayfirlýsingu um byggingu 33 íbúða við Asparskóga á Akranesi. Þeir sem rituðu undir viljayfirlýsinguna voru Sævar Freyr Þráinsson bæjarstjóri, Björn Traustason framkvæmdastjóri Bjarg íbúðafélags, Gylfi Arnbjörnsson stjórnarformaður Bjargs og forseti ASÍ og Árni Stefán Jónsson, varaformaður stjórnar Bjargs og formaður SFR.
Framkvæmdir við Móaveg eru komnar á fullt skrið en þar verða byggðar 155 íbúðir. Reiknað er með afhendingu fyrstu íbúða í júní 2019 og að opnað verði fyrir skráningu á biðlista Bjargs í apríl.
Það var góður hópur fólks saman kominn við Móaveg, Spönginni sl. föstudag þegar fyrsta skóflustunga Bjargs íbúðafélags var tekin.
Um er að ræða fyrsta byggingaverkefni Bjargs en félagið áformar umfangsmiklar framkvæmdir á næstu misserum. Reiknað er með að um 450 íbúðir verði komnar í byggingu hjá félaginu í lok árs þessa árs og rúmlega 1.000 til viðbótar á næstu þremur til fjórum árum.
Ýmsir staðir á netinu þar sem hægt er að sækja gagnlegar upplýsingar.
Sendu okkur tölvupóst
